Unki saalgirah ke' iss mubarak mauke' pe'

Unki saalgirah ke' iss mubarak mauke' pe',
Humne' unko mubarakvad pesh kiya.

Shayad voh soch rahe' the',
Ke' humne' unko kahin bhula toh nahi diya?

Humse' yeh mubaakvad paa kar,
Unmein shayad khushi ka jazba jaag gaya.

Chehre' pe' shayad halki si muskurahat aa gayi,
Aankhon mein shayad halki si nami aa gayi.

Hum inn khayalon mein doobe' hi hue' the',
Ke' achaanak humein apna khayal aa gaya.

Mann kaboo mein nahi tha,
Dil bhi idhar udhar bhaag raha tha.

Phir hum sambhal hi gaye',
Yeh toh mauka-e-saalgirah hi tha,
Aur iss khayal ko naa jaane' kya se' kya ho gaya?