Shikva hai mujhe' iss waqt se',
Kab se' badalte' hue' daur ka intezaar kar raha hoon.
Khwab ki tarah yeh buraa waqt ataa jaa raha hai,
Inn bure' khwabon ko lekar kab se' neend ke' aagosh mein jaa raha hoon.
Khabrein toh har din kai aate' hein,
Unn tamam khabron mein sirf ek naye' daur ki umeed dhoond raha hoon.
Shukar hai, sab kehte' hain yeh aisa aakhri daur hai,
Magar yeh toh pehle' bhi suna tha aur ab koi saboot dhoond raha hoon.
Buland hoslon ke' kai masle' dekh chuka aur dekh hi raha hoon,
Ab khud mein kisi nirale' buland hosle' ki talash kar raha hoon.
Yeh waqt zaroor badale' ga,
Muqaddar kab tak yoon humse' chupti rahe' gi?
Ab apni muqaddar ko hamesha ke' liye' kaboo karne' ka woh waqt dhoond raha hoon.
Kyon naa hum sab aise' jazbaat apne' dil o dimag mein aane' dein,
Aise' jazbaat mein sirf khud mein hi nahi magar aap sab mein bhi dekhne' ki umeed kar raha hoon.
No comments:
Post a Comment