Rangeen mahaul mein aaj

Rangeen mahaul mein aaj,

Kuch rang bhare' lamhon mein,

Hum kahin kho gaye'.

Aaj subah tak toh zindagi ki musibaton se' kisi jung mein joojha hua tha,

Magar dekhte' hi dekhte' woh musibatein naa jaane' kahaan kho gaye'?

Yeh Holi ka bemisaal jashn e mahaul,

Kisi ek mazhab ki jagir nahi,

Iske' nirale' rang mein aaj saare mazhab shaamil ho gaye'.

Anjaane' logon ko rang lagaa kar, aur Holi mubarak keh kar gaale' milkar,

Sabhi insaaniyat ke' alagh andaaz mein kahin kho gaye'.

Shikve' gile' oonch neech jaise fazool lagne' lage',

Aur jaam ke' nashe' mein doobe' hue',

Rangeenion mein saje' hue' hum anjaanon ko bhi aaj apna banaate' chale' gaye',

Agli Holi ka humein bahut besabri se' intezaar rahe ga,

Ab issi besabri se hum iss Holi ko alvida kehte' chale' gaye'.