Maa, aapko aaj yahan kya shradhanjali arpit karoon

Composed and recited the following as a tribute to my departed Mom, at a prayer meeting  for her: 

Maa, aapko aaj yahan kya shradhanjali arpit karoon?

Sirf aapki mahanta ko kuch kuch simran kar sakoon.

Aapki mamta ki yahan kya tareef karoon?

Main toh aapki har nazar mein mamta dekhi hai.

Suna tha aapse' ke' woh parmatma daya ke' sagar hain,

 Humne'  toh aapki nazron mein daya ke' sagar dekhe' hain.

Kya Bhagwan, Kya tirth, kya rishi muni, aur kya pir,

Inn sab se' badhkar toh aap the’ Maa.

Mere' bachpan ki woh tamam sharatein,

Aapne bahut khub jheele' the’ Maa.

Meri zindgai ki woh tamam mushkilien,

Dooor hote' chale' gaye' aapki duaon se'.

Maila ho gaya tha aapka yeh chola kisi rog se',

Raah dekh raha tha ek naya chola swarg ke' dwar se'.

Chale' gaye' aap apne' swarg ke' sthan pe',

 Parmatma ke' uss anjaane' sansar mein,

Aapse' paayi hui yeh anmol parvarish woh vardaan hai,

Meri baaki zindagi ke' liye' ab ek anmol rattan hai.