Iss zindagi ki kya baat karoon main

Iss zindagi ki kya baat karoon main,
Yeh kuch ajeeb bhi hai, kuch nahi bhi.

Kai haadse' hue' iss zindagi mein,
Unn haadson ki kya baat karoon main?
Woh kuch haseen bhi the' kuch nahi bhi.

Naa jaane' itni khushiyan kyon mili mujhe'?
Inn khushiyon ki kya baat karoon main?
Inn khushiyon mein kuch ghum bhi tha kuch nahi bhi.

Kai manzilon ki talaash mein bhatakta raha,
Uss bhatakne' ki kya baat karoon main?
Kuch manzilein mili bhi kuch nahi bhi.

Ab ek khwaeish ki chah mein jee raha hoon mein,
Iss khwaeish ki bhi kya baat karoon main?
Yeh kuch mumkin bhi hai kuch nahi bhi.

Sach, iss zindagi ki kya baat karoon main,
Yeh kuch ajeeb bhi hai, kuch nahi bhi.